Iruzurraren Kontrako Neurrien Koordinazio Zerbitzu Nazionala (SNCA) arduratzen da Europar Batasunak iruzurraren aurka dauzkan finantza-interesak babestera bideratutako ekintzak koordinatzeaz eta Europar Batasunaren Funtzionamendu Tratatuaren 325. artikulua eta Iruzurraren Kontrako Europako Bulegoak (OLAF) egindako ikerketei buruzko Europako Parlamentuaren eta Kontseiluaren 2012ko irailaren 11ko 883/2013 (EB, Euratom) Erregelamenduaren 12 bis artikulua betearazteaz.
Estatuko Administrazioko Kontu-hartzailetza Nagusian integratuta dago, eta, Dirulaguntzei buruzko azaroaren 17ko 38/2003 Lege Orokorraren hogeita bosgarren xedapen gehigarriaren arabera, eginkizun hauek dagozkio:
- Estrategia nazionalen eratze eta abiaraztea bideratu eta Europar Batasunaren finantza-interesak babesteko beharrezkoak diren lege eta administrazio aldaketak sustatu.
- Europar Batasuneko funtsen kudeaketarako sistema nazionaletan izan litezkeen urritasunak identifikatu.
- Erakunde nazionalen eta OLAFen arteko irregulartasun eta iruzur susmoen koordinazio eta informazio bideak ezarri.
- Iruzurraren prebentzio eta honen aurkako borrokarako prestakuntza sustatu.
Estatuko Administrazioko kontu-hartzaile nagusia buru duen aholku-kontseilu baten laguntza izango du SNCAk.