A SEC define os impostos como pagos obrigatorios sen contrapartida, en efectivo ou en especie, recadados polas administracións públicas ou polas institucións da Unión Europea. Nun primeiro nivel de desagregación, a SEC clasifica os impostos en: impostos sobre a produción e as importacións (D.2); impostos sobre a renda, patrimonio, etc. (D.5); impostos sobre o capital (D.91).
As cotizacións sociais defínense como as cotizacións efectivas ou imputadas que pagan os fogares aos sistemas de seguros sociais co fin de asegurar o pago de prestacións sociais. As cotizacións sociais comprenden: cotizacións sociais efectivas a cargo dos empregadores (D.611); cotizacións sociais imputadas a cargo dos empregadores (D.612); cotizacións sociais efectivas a cargo dos fogares (D.613).
Nesta táboa preséntanse os ingresos por impostos e cotizacións sociais, detallados por imposto e cotización social, que son recurso de cada un dos subsectores do sector administracións públicas (administración central, rexional, local e fondos de seguridade social).